فریاد

!اے میرے وطن کے جوانو سنو

!اے غفلت میں سوئے دیوانو سنو

                  کب تک سہو گے یہ ظلم و ستم

                  کب تک  چھپاو گے اپنے  زخم

کب تک جلیں گے تمھارے مکاں

کب تک نہ  کھولو گے اپنی زباں

                  کب    تک    بہے    گا   تمھارا   لہو

                  کب تک کرو گے یوں خوں سے وضو

کب تک تم مانگو گے دنیا سے بھیک

کب  تک  کراو  گے  اپنی   تضحیک

                  کب تک نہ پہچانو گے اغیار کو

                  مکار  کو  ’  قوم  کے  غدار کو

کب تک جلائیں گے تمھیں  حکمراں

کب تک رہیں گی  مائیں نوحہ  کناں

                  کب تک رہو گے  تم  اُنکے غلام

                  کب تک کرو گے خودی کو نیلام

کب   تک  چلے  گا  یہ   وحشیانہ  نظام

کب تک نہ ڈھلے گی یہ  ظلمت  کی  شام

                  کب  تک  رہیں  گے  قصرِ سلطان  روشن

                  اور تاریکی میں ڈوبیں گے تمھارے نشیمن

کب تک جیو گے یوں سہمے ہوئے

کب تک چلو گے رسن پہنے ہوئے

                  جاگو کہ غفلت کی  حد  ہو گئی

                  جہالت تمھاری دراز قد ہو گئی

توڑ دو غلامی کی زنجیر کو

خود  تم  لکھو  اپنی  تقدیر کو

                  اٹھو اور چراغِ سحر  کو  جلا دو

                  ظلمت کے ایوانوں کو آگ لگا دو

مظلوم کو ظالم کے شر سے پناہ دو

غلاموں  کو  آزادی کی راہ دکھا دو

                  سینوں کو ایماں کی حرارت سے تپا دو

                  کوشکِ سلطانی کے در و دیوار  ہلا دو

باطل کو پھر جذبہء شبیری سے لڑا دو

پھر  اُسے  علی  اکبر  کی  اذان سنا دو

                  اٹھو   کہ   اب   مر   چلا  ہے  وطن

                  اس سے پہلے کہ مل جائے اِسکو کفن

غزل

وہ شہر کیا تھا گوہرؔ ’ بس اِک ہجوم سا تھا

جہاں   کا   ہر   فرد  ہی  محکوم   سا تھا

                 یوں عیاں تھی ویرانی در و دیوار سے

                 جیسے   کوئی   گھر  معدوم   سا   تھا

خواب بھی بنتی نہ تھی امید کی شب

تعبیر کا  گویا  اسے  معلوم  سا  تھا

                 بے بسی پہ اس کی لہو رویا تھا فلک

                 ماں نے بیچا جب ایک معصوم سا تھا

سلگتی آنکھوں میں کچھ سوال تو تھے

خشک  ان  کا  مگر  حلقوم   سا   تھا

                 خوف کے سائے میں پلتا وہ شہر

                 زندہ  تو  تھا  مگر مرحوم سا تھا

حسنین

جوانانِ اہلِ جنت کے سردار ہیں حسنین

تفسیرِ سورہِ کوثر کا انتظار  ہیں حسنین

            شبِ معراج  براق کے  سوار  تھے  رسول

            اور پشتِ نمارِ رسول کے سوار ہیں حسنین

شاہینِ امامت کے پَر ہیں ’ باعثِ عظمتِ بشر ہیں

اور مجسمہِ اخلاق  کے نقش و نگار  ہیں  حسنین

 

            نانا رسول ’ مادر بتول ’ پدر مرتضٰی علی

            جمالِ حسب و نصب کا افتخار  ہیں حسنین

ضربت کو جن کی دیکھ کر شجاعت ہے کانپتی

حلقہِ   شمشیر  میں   مثلِ  ذوالفقار   ہیں حسنین

            رسولِ خدا کے دین کی حفاظت  کے  واسطے

            کبھی مثلِ حمزہ ’ کبھی جعفرِ طیار ہیں حسنین

رسوا ہوا ہے آج پھر دیں سرِ بازار

آج  پھر  دین  کو درکار ہیں حسنین

            خوب   امت   نے   دیا   رسول   کو  رسالت  کا  اجر

            کبھی پارہ  جگر ’ کبھی زیرِ خنجر و تلوار ہیں حسنین

فریادِ ردائے زینب ہے کہیں ’ کہیں اصغر کی پیاس ہے

مت  پوچھ  گوہرؔ  کربل  میں  کتنے لاچار  ہیں  حسنین

پیار

پیار کرو اور پیار پھیلاو

دنیا کو امن کی راہ دکھاو

            سچ   بولو   ’   سچے   کہلاو

            جھوٹ سے  نفرت کرتے جاو

حق بات  کہنے  سے  نہ  گھبراو

باطل کے  مقابلے  میں  ڈٹ  جاو

            مظلوم کے حق میں  آواز اٹھاو

            اور ظلم کی فوجوں سے ٹکراو

نماز سے  اپنا   جی  نہ  چراو

قرآن  پڑھو ’  اوروں کو پڑھاو

            والدین کی اطاعت میں سر کو جھکاو

            اور دنیا  ہی  میں  جنت  کماتے  جاو

سارے   اچھے   اخلاق   اپناو

کبھی نہ کسی کے دل کو دکھاو

            سادہ پہنو  ’  سادہ کھاو
            ذات  پہ  اپنی  نہ  اتراو

جب بھی کسی کو دوست بناو

تو دوستی کو پھر خوب نبھاو

           خود  غرضی  کو  اب آگ  لگاو

            بس اوروں کی خاطر جیتے جاو

استاد کے ادب میں آنکھوں کو بچھاو

اور   علم  کے  موتی   چنتے   جاو

            خوب   پڑھو   اور   نام   کماو

            بس علم کا  نور  پھیلاتے   جاو

والدین کی عظمت

عرض کی محمد سے کہ خوشبوِ جنت ہے کہاں ؟

فرمایا وہ تو ماں باپ کی اطاعت میں ہے  پنہاں

            عرض کی کہ تمنا ہے کروں بے شمار حجِ مقبول ؟

            فرمایا رخ پہ کھلا ماں باپ  کی  محبت  کے  پھول

عرض کی کہ رضائے الٰہی جو ہو مجھے مطلوب ؟

فرمایا   جیت   لے   اپنے   ماں   باپ   کے  قلوب

            عرض کی کہ پانا چاہوں جو دنیا میں عالی مقام ؟

            فرمایا  لحجہِ  شفقت  میں  کر  ماں  باپ سے کلام

عرض کی کہ کیسے ہو منزلِ موت آسانی سے پار ؟

فرمایا  ماں  باپ  کی  معافی  کا  رہ  سدا  طلب  گار

            اس  سے  پہلے  کہ  قضا  اُنکی آئے

            تو مَلے ہاتھ ندامت سے اور پچھتائے

عرض کی کہ غفلت میں رہا فرض سے اور وہ ہو گئے رخصت ؟

فرمایا   پھر  تو  دنیا  میں  نہیں  تجھ  سے  بڑا   کوئی   بدبخت

ضمیر سو گیا

دنیا کی رعنائیوں میں میں ایسا کھو  گیا

خبر ہی نہیں ہوئی کہ کب ضمیر سو گیا

              ابتدا میں تو صرفِ نظر گناہانِ صغیر سے کیا

              پر رفتہ رفتہ قلب شناسائے گناہانِ کبیر ہو  گیا

پھر احساسِ ندامت بھی پرواز کر گیا

دل کثرتِ گناہ سے سخت گیر ہو  گیا

              دنیا کی خواہشوں نے کچھ ایسا جکڑ لیا

              کہ  زلفِ نفسِ  عمارہ  کا  اسیر  ہو  گیا

سکوں کی کھنک میں کھو گئی اذان کی آواز

اور   ابلیس  میری   نماز   کا   امیر  ہو  گیا

              دنیا کو دیکھنے لگا تکبر  کی  آنکھ  سے

              ہر شخص میری نظر میں اب حقیر ہو گیا

خلقِ  خدا  پہ  ظلم میں  میں  اتنا  بڑھ  گیا

کہ ہرملا کی کمان سے نکلا ہوا تیر ہو گیا

              جھوٹ سے زبان یوں مانوس ہو گئی

              گویا  کسی  منافق  کی  تقریر  ہو گیا

جانا تو نہیں چاہتا تھا لذتِ دنیا کو چھوڑ کر

پر اک روز اپنی موت سے بغل گیر ہو  گیا

              وہ تاج و تخت وہ محل و محلات سب پیچھے رہ گئے

              بس  دو   گز   زمیں  کا   ٹکڑا  میری  جاگیر  ہو  گیا

دم بھی نہ لینے پایا تھا پل بھر کو لحد میں

کہ شروع سلسلہِ سوالِ منکر و نکیر ہو گیا

                   دنیا میں کمائی دولت نہ کچھ کام آ سکی

                   کل  کا  تھا  بادشاہ  پر آج کا فقیر ہو گیا

گوہرؔ کلام مجھ سے یوں ذوالجلال نے کیا

دہکتا   ہوا   جہنم    تیری   تقدیر   ہو  گیا

نعتِ رسولِ مقبول

لوح بھی تو قلم بھی تو علم و کتاب تو

تاباں   بہ  افقِ   رسالت    آفتاب   تو

                        یٰسیں بھی تو طٰحہٰ بھی تو بشیر و نذیر تو

                        آئینِ  قرآنِ   پاک  کا   سارا   نصاب   تو

نور بھی تو منیر بھی تو وہاج و سراج تو

شمسِ   دین و ایمان   کی   آب و تاب  تو

                        منزل بھی تو رہبر بھی تو سوال و جواب تو

                        اِیتاءِ  منصبِ  نبوت  کا   اول   انتخاب   تو

منبر بھی تو قبلہ بھی تو گنبد و مینار تو

روشن  بہ   جبینِ  عبادت  محراب   تو

                        عقل بھی تو شعور بھی تو فہم و ادراک تو

                        ملکِ  عدل  و  صدق   کا   افراسیاب   تو

فکر بھی تو نظر بھی تو فلسفہ و خیال تو

ہستیِ تہذیبِ  انسانی  میں  بپا  انقلاب  تو

                        شرف بھی تو مشرف بھی تو ہنر و مثال تو

                        نازِ عروج  و  کمال   کا  عالی  جناب   تو

عَلَم بھی تو عَلمدار بھی تو سپاہ و سالار تو

معرکہِ  حق  و  باطل  میں  سدا کامیاب تو

                        نعمت بھی تو رحمت بھی تو عطا و انعام تو

                        دعائے    ابراہیم      کا      مستجاب     تو

گل بھی تو خوشبو بھی تو چمن و بہار تو

کانٹوں سے پاک دامن جسکا وہ گلاب  تو

                        حُسن بھی تو حسین بھی تو جلوہ و حجاب تو

                        چشمِ  عرفانِ  قلب   کا  جمالِ  بے  نقاب  تو

ساقی بھی تو ساغر بھی تو مہ کدہ و شراب تو

ذوقِ    عشقِ    قلندر    کا     اضطراب    تو

                        الفت بھی تو چاہت بھی تو عشق و جنون تو

                        زدِ  زبانِ   قدرت   درودِ   بے   حساب  تو

حمدِ باری تعالٰی

تمنا ہے کروں یا رب حمد تیری بیاں

پر جانتا ہوں  ہیں مرے الفاظ  ناتواں

اٹھا  سکتے نہیں  یہ  بارِ  شانِ کبریا                      

                      مگرمرے تخیل کو دیتے ہیں یہ زباں

کیسے   کروں   میں  ذکر  ذات   کا   تیری  ! !

تیری ذات خالقِ دو جہاں مری ذات ذرہِ بے نشاں

                      دلیل ترے وجود  پہ  ہے ذرہ  ذرہِ کائنات

                      یہ رنگ و بو یہ لالہ و گل اور نیلا آسماں

جھکے ہوے ہیں تیری قدرت کے سامنے

دہکتا ہوا یہ سورج ’ ستاروں کی کہکشاں

                      کانپتی ہے دھرتی تیرے جلال سے !!

                      تھرا رہی ہیں فلک کو کڑکتی یہ بجلیاں

حاجت نہیں ہے نیند کی ’ نہ غفلت نہ کاہلی

مصروف ہیں عبادت میں ہمہ وقت  کروبیاں

                      ایسی عظیم سلطنت اور نہ فوج نہ مشیر !!

                      عقلیں ہوئی ہیں دنگ اور فکریں ہیں پریشاں

ادراک کیا کرے کوئی عدل کا تیرے  !!

قوت آتش دی نمرود کو ’ ابراہیمء کو اماں

                      آتا  نہیں  سمجھ  تیری  عطاء  کا فلسفہ !!

                      فرعون سے سرکش کو بھی دیتا ہے روٹیاں

بکھرا ہوا ہے ہر سو رحم  و  کرم  تیرا

ثبوت اسکا ہے مرے گھر میں شفیق ماں

                      گوہرؔ  یہی  دعا ہے رب کریم   سے !!

                      مرے قلب کو عطا کر معرفت کی کنجیاں